TV Schedule

ژوند په امریکا کې خپرونه تاسې په متحده ایالاتو کې، چې د مختلفو فرهنګونو او ارزښتونو کور بلل کېږي، د مهاجرینو د فرصتونو، ننګونو، نژادي او فرهنګي تنوع، د ژوند د بڼو او د هغوی د ارمانونو د پوره کیدو سره اشنا کوي. دغه خپرونه هره جمعه ماښام په ۶:۰۰ بجو د امریکاغږ پر سپوږمکۍ او ډیجیټلي پاڼو خپریږي.

په وروستیو ورځو کې د طالبانو د خپل منځي اختلافاتو په اړه راپورونه خپاره شوې دي. د طالبانو تر منځ د خپل منځي اختلافاتو مسله څومره جدي ده؟ د دېرش دقیقو په خپرونه کې پر دې موضوع سربېره، په پاکستان کې د افغان کډوالو پر ستونزو، نیول کېدو او د چمپینز ټرافي (اتلانو جام) په سیالیو هم بحث شوی دی.

د حایل په خپرونه کې د سیمې او نړۍ د هېوادونو په هغو اندېښنو بحث شوی چې په افغانستان کې د داعش د حضور او فعالیت په اړه یې څرګندې کړي دي.

په افغانستان کې سیاسي بدلونونو ددغه هېواد د ورزش ډګر هم اغیزمن کړی دی. سیاسي بدلونونو افغان ورزشکاران له کومو ستونزو سره مخامخ کړي دي؟ د سپینې خبرې په خپرونه کې په دې موضوع بحث کیږي.

د فبروري یوویشتمه د مورنۍ ژبې له نړیوالې ورځې سره برابره ده. په مورنۍ ژبه خبري کول څومره ارزښت لري او په افغانستان کې د مورنۍ ژبې د ودې او پرمختګ لپاره څومره کار شوی دی. د نن وضعیت په ننني‌ پروګرام کې د افغانستان د کرکټ د ملي لوبډلي په لوبه هم بحث کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.