TV Schedule

د امریکا دوهم ترټولو ستر جومات د روژې په میاشت کې د مسلمانانو لپاره ځانګړي پروګرامونه ترتیبوي. دا اونۍ د ژوند په امریکا کې خپرونه کې مو له دغه جومات څخه کتنه کړې ده.

د افغانستان په کندهار او د پاکستان په ګڼو سېمو کې د ترهګریزو بریدونو څخه وروسته په سېمه کې د ترهګریزو فعالیتونو په اړه اندیښنې زیاتې شوې دي. د دېرش دقیقو په خپرونه کې پر دې مسلې سربېره په افغانستان کې له شپږم ټولګي پورته د نجونو پر زده کړو د طالبانو د بندیز د دوام په اړه بحث او راپورونه کتلای شئ.

د حایل په خپرونه کې په افغانستان کې د نوي تعلیمي کال د پیل او د طالبانو له لورې د نجونو پر زده‌کړه د بندیزونو د دوام په اړه بحث شوی دی.

د افغانستان لپاره د متحده ایالاتو ځانګړي استازي توماس ویسټ او په دوحه کې د افغانستان لپاره د امریکا د سفارت شارژدافیرې کرین ډیکر په کندهار کې د پنجشنبې د ورځې ځانمرګی برید غندلی دی. د سپینې خبرې په خپرونه کې په افغانستان او سېمه کې د بریدونو د زیاتېدو په اړه بحث کتلای شئ.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.