TV Schedule

د افغانستان د لرو پرتو سیمو اوسېدونکي د روغتيايي خدمتونو او ښځينه ډاکټرانو له نشتوالي شکایت کوي. ویل کېږي چې د طالبانو لخوا محدودیتونو او د کادرونو وتلو خلک د ستونزو سره مخ کړي دي. د اتصال په دې خپرونه کې ددغه وضعیت د دوام پر پایلو بحث شوی او همدارنګه د کرکټ نړیوال جام کې د افغانستان او پاکستان لوبه څېړل شوې ده.

د اشنا د دوشنبې په خبري خپرونه کې د غزې سربېره پر لبنان د اسرائیل د بمباریو، په افغانستان کې د بشري حقونو د وضعیت او پاکستان ته د هغه هیواد د پخواني صدراعظم نواز شریف د ستنېدو په اړه راپورونه لرو.

د افغانستان لپاره د ملګرو ملتونو استازي فریدون سینیرلي اوغلو ویلي چې افغانستان کې د بحران حل، د نجونو په تعلیم د محدودیتونو په لیرې کولو، او ددې ډاډ په ترلاسه کولو پورې تړلی چې د افغانستان څخه نورو ته خطر پیښ نه شي .ایا د افغانستان د روان بحران حل، په همدی دوه مسلو پورې تړلی دی؟ د سپینې خبرې د نن شپې په خپرونه کې پدې هکله خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰