TV Schedule

د بوعلي سینا ددې اوونۍ په خپرونه کې په افغانستان کې د ایډز ناروغۍ د خپریدو لاملونه، په قزاقستان کې د همجنس خوښونکو ترمنځ د اچ آی وي د خپریدو په اړه اندیښنې، د پروستات سرطان لاملونه او مخنیوی، پر انسانانو د هوا د ککړتیا فزیکي او رواني اغیزې او د زیږون د اختلالاتو په ګډون د روغتیا له نړۍ‌ څخه تازه خبرونه شامل دي.

د بشري حقونو څار سازمان په ښوونځیو کې د نجونو د زده کړو پر ځای په دیني مدرسو کې د هغوی د زده کړو سره مخالفت ښودلی دی. د امریکاغږ اشنا د شنبې په خپرونه کې پر دې سربېره، غزې تړانګې ته په خوندي توګه د بشري مرستو د لیږد په ګډون، مهم کورني او بهرني خبرونه لیدلی او اوریدلی شئ.

د بشري حقونو د څار ادارې په ښوونځیو کې د نجونو د زده کړو پرځای په دیني مدرسو کې هغوی ته د زده کړو د ورکولو په اړه خپرو شویو راپورنو سره مخالفت ښودلی. ایا مدرسې نجونو لپاره د ښوونځیو بدیل کیدی شي؟

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

د پاکستان له لوري له ترهګرۍ سره د تړاو په تور پر افغانانو د تورونو د پورې کولو په دوام د خیبر پښتونخواه د ترهګرۍ پرضد ادارې په يو راپور کې د ترهګرۍ په تور د ۹۲ افغانانو د نیولو راپور ورکړیدی. موږ د نن او وضعیت په ننۍ خپرونه کې پر همدې موضوع بحث کوو. کوربانه: احمدالله ارچیوال او نجیبه خلیل

د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.