TV Schedule

د بوعلي سینا ددې اوونۍ په خپرونه کې، په سالمه توګه د روژې نیولو اغېزمنې لارې، د تریخې (صفرا) کیسې کې د تیږو د جوړیدو لاملونه، د کالدانۍ د درملنې او مخنیوي لارې چارې، په دوپینګ یا انرژی ورکوونکي درملو باندې د روږدې کېدو منفي اغیزې، ځلمیانو لپاره د نشه یي توکو د زیانونو په اړه پوهاوی او د راډیولوژی څانګې له یو افغان متخصص سره د مرکې په ګډون د روغتیا نړۍ تازه رپوټونه کتلای او اوریدلای شئ.

د امریکاغږ اشنا د شنبې په خبري ټولګه کې د روسیې د خونړي برید د عاملینو، د کندهار د برید په تړاو د غبرګونونو او په نړۍ کې د اوبو په سر د لانجو په اړه راپورونه خپرېږي.

داعش ویلي چې په مسکو کې د موسیقۍ د یو تالار دننه برید هغوی کړی دی. له افغانستان څخه د سیمې هیوادونو ته د داعش د احتمالي نفوذ په هکله د منځني آسیا د هیوادونو انديښنه څومره ريښتینی بلل کیدلی شي؟

ا‌ذربایجان غواړي په افغانستان کې په بیلابیلو برخو کې پانګونه وکړي. د نن او وضعیت په خپرونه کې د پروګرام له میلمه، د سیاسي اقتصاد ډاکټر، عبدالهادی فرهنګ سره پر همدې موضوع خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.