TV Schedule

د اتصال په دې خپرونه کې، د ملګرو ملتونو په هغې پریکړې چې وایۍ د افغانستان په هکله د دوحې په درېیمې مشورتي غونډه کې به د بشري حقونو مدافعین ګډون نکوي، او د میرمنو او بشري حقونو مدافعینو پر اندیښنو باندې به خبرې ونشي، بحث کوو. سربیره پر دې په پاکستان کې د سندرغاړو او موسیقې غږونکو په تړاو د محکمې پر پریکړې هم خبرو ته کینو. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمو بجو، په ژوندۍ بڼه خپرېږي.

پدې خپرونه کې به د طالبانو د حکومت سره د اړیکو پاللو په هکله د روسیې نظر او د پاکستان اندېښنې؛ د کرکټ په نړیوال جام کې د اسټرالیا په وړاندې د افغانستان د کرکټ د ملي لوبډلې بریا او د غزې د جګړې له امله د فوټبال په نړیوالو سیالیو کې د اسرائیل د ټیم د منع کولو د بحث په اړه رپوټونه ګورئ او اورئ.

د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰