TV Schedule

د ملګرو ملتونو استازو د افغانستان د ستونزې حال د نجونو پر زده کړو د محدودیتونو په لیرې کولو او نړۍ ته د دې ډاډ په ورکولو پورې تړلی بللی چې له افغانستان څخه به یې امنیت ته ګواښ نه پېښېږي. د اتصال په خپرونه کې دا موضوع څېړل شوې او همدارنګه په افغانستان کې د پولیو یا ګوزڼ پر څرنګوالي بحث شوی دی.

د امریکا غږ، اشنا ټلوېزیون د سې شنبې په خپرونه کې د پولیو د نړیوالې ورځې، د حماس د ځینو قوماندانانو د وژل کېدو او د لوبو په ډګر کې د پاکستان پر وړاندې د افغانستان د تاریخي بریا په اړه راپورونه خپروو.

نن د پولیو یا ګوزڼ سره د مبارزې نړیواله ورځ ده. دا ناروغي ولې تر اوسه په افغانستان کې د خلکو روغتیا او ژوند ګواښي؟ د سپینې خبرې په خپرونه کې د افغانستان د عامې روغتیا وزارت د کلتوي معافیت مرستیال ګلاخان ایوب او ډاکټر نورالحق یوسفزي سره په دې اړه خبرې شوي دي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰