TV Schedule

په امریکا کې یوې نړیوالې موسسې د مهرباني د بنسټ مشرې، الهه احرار د خیریه او بشري فعالیتونو له امله وستایله او دا موسسه به د واشنګټن ډي سي په ملي پارک کې د دې افغان میرمنې په نوم یوه ونه کېنوي. دا اونۍ د ژوند په امریکا کې خپرونه کې د مهرباني د بنسټ د کړنو په اړه خبرې کوو.

په غزه کې د اسرائیل او حماس ترمنځ څلور ورځنی اوربند پلی شوی چې په ترڅ کې به یې د دواړو لورو یو شمېر یرغمل شوي کسان خوشې شي. د دېرش دقیقو په خپرونه کې پر دې سربېره په مسکو کې د طالبانو د مخالفینو په ګډون د جوړې شوې غونډې په اړه هم له میلمنو سره بحث شوی دی.

ایا ممکنه ده چې پاکستان د طالبانو د حکومت په غوښتنه افغان کډوال افغانستان ته په زور ستانه کړي وي؟ دا پوښتنه مو د دې اوونۍ د حایل په خپرونه کې د پاکستان د مشرانو جرګې له پخواني غړي افراسیاب خټک او د افغانستان د وکیلانو د ټولنې له مرستیال عبدالسبحان مصباح څخه کړې ده.

په هند کې د افغانستان د سفارت لخوا په خپره شوې اعلامیه کې ویل شوي د یو شمیر ننګونو له امله سفارت په دایمي ډول تړل شوی دی. اعلامیه کې راغلي چې د سفارت د کنټرول لپاره د طالبانو او د هند دولت دوامداره فشارونو ته په پاملرنې سفارت د یو ډیر سخت انتخاب سره مخ و. د سپینې خبرې په خپرونه کې په دې اړه بحث شوی.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ملګري ملتونه وایي، چې له پاکستان څخه ویستل شوي افغان کډوال له سختو ستونزو سره مخ دي. موږ نن د ستاسې غږ په خپرونه کې پر همدې موضوع بحث کوو.

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.