TV Schedule

د بوعلي سینا ددې اوونۍ په خپرونه کې، د نامنظمو غاښونو د درملنې د څرنګوالي په اړه رپوټ، د چاودیدلو شونډو او چاودیدلي تالو ناروغانو د درملنې لارې چارې، د جراحۍ کوچني عملیاتو او د پوستکي سرطان په اړه معلومات او همدارانګه د روږدو کسانو د درملنې د غوره لارو چارو په اړه د یوې مرکې په ګډون د روغتیا له نړۍ څخه رپوټونه کتلای او اوریدلای شئ.

د امریکا غږ د اشنا د شنبې په خبري خپرونه کې، په افغانستان کې خلکو ته د سزا ورکولو پر څرنګوالي د نیوکو، پر روسیې د امریکا د تازه بندیزونو او د خوست د بیارغولو د پروژو په اړه راپورونه خپرېږي.

د بخښنې نړیوال سازمان په عام محضر کې د اعدام د پریکړو تطبیق سره مخالفت ښودلی او دا ډول اقدامات یې د ژوند د حق سره په ټکر کې ګڼلي دي. د افغانستان اوسنې قضایی او حقوقی نظام د کوم قانون پر بنسټ عمل کوي؟

د ایران د کورنیو چارو وزیر احمد وحیدي یو ځل بیا، د ایران څخه د غیر قانوني افغان کډوالو په وتلو ټینګار کړی. د کډوالو په چارو کې د ملګروملتونو عالی کمیشنرۍ په حساب، اوس مهال ۴.۵ میلیونه افغان کډوال په ایران کې اوسیږي. د نن او وضعیت په خپرونه کې، په ایران کې د افغان کډوالو په وضعیت، د ایران د حکومت په ستونزو او د نړیوالو روابطو په رڼا کې په افغانستان کې د دومره افغانانو د بیرته میشت کیدو لپاره د اسانتیاوو د برابرولو په اړه د پروګرام له میلمه، روح الله احمدزي سره خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.