TV Schedule

د اتصال په دې خپرونه کې، په افغانستان کې د تازه سیلابونو له امله د مرګ ژوبلې سربیره په دغه هیواد کې ماشومانو ته د ماینونو او ناچاودو توکو په ګواښونو خبرې شوي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمو بجو، په ژوندۍ بڼه خپرېږي.

د امریکاغږ اشنا د نن یکشنبې پدې خپرونه کې د افغانستان په امنیتي وضعیت د سیمې د هیوادونو اندېښنې او طالبانو ته د ایران د حکومت سپارښتې اورئ. د متحده ایالاتو په ټاکنو کې د کاندیدانو دیني باورونو ته هم کتنه شوې او د یو افغان ډاکټر نړیوال مډال اخستلو راپور به هم ووینئ.

د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰