TV Schedule

د اسونو ځغلول په امریکا کې د ډیرو محبوبو او پخوانیو لوبو څخه ده چې په کې نه یوازې د اس قدرت او چتکتیا مهمه ده، بلکې د اس ځغلوونکي تکړه توب هم خورا اړین بلل کېږي. دا اونۍ د ژوند په امریکا کې خپرونه مو د اسونو د ځغلولو له سیالیو سره اشنا کوي.

پاکستاني چارواکي ټینګار کوي چې افراطي ډلې د افغانستان خاوره کاروي او په پاکستان کې بریدونه کوي، خو طالب چارواکو دا ادعا رد کړې ده. د دېرش دقیقو په خپرونه کې پر دې موضوع سربېره په افغانستان کې د ملګرو ملتونو لخوا د مېرمنو د ناهیلي کوونکي وضعیت په اړه د راپور جزیات هم کتلای شئ.

د حایل په خپرونه کې په پاکستان کې د خپلو حقونو دپاره د پښتنو او بلوڅو د مبارزې او د طالبانو د حکومت د دریځ په اړه د چارو د څېړونکو افراسیاب خټک او شهسوار سنګروال سره خبرې شوي دي.

د سپينې ماڼۍ د ملي امنیت د شورا سلاکار جان کربي د طالبانو هغه ادعا رد کړه چې وايي د ځینو مخربو ډلو د فعالیتونو قرباني دي. د طالبانو دا ادعا چې وايي د مخربو ډلو قرباني دي، څومره پر ځای ده؟ د سپینې خبرې په خپرونه کې پر همدې موضوع بحث کیږي.

د متحده ایالاتو د سنا دیموکراته غړې جین شهین وايي د افغان میرمنو په وړاندې د طالبان زور زیاتی "جنسیتي اپارتاید" ګڼل کېدای شي. میرمن شهین زیاتوي تر هغه چې له ښځو سره دا ډول چلند دوام ولري، د طالبانو حکومت باید په رسمیت ونه پېژندل شي. د نن او وضعیت په خپرونه کې پدې موضوع او په افغانستان کې د کرکټ په داخلي سیالیو خبرې شوي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.