TV Schedule
په نړۍ کې د کوویډو۱۹ وبايي ناروغۍ د پیښو زیاتوالی - بوعلي سینا
د بوعلي سینا ددې اوونۍ په خپرونه کې؛ په نشه يي توکو د روږدو کسانو د پوستکي ناروغۍ، په نړۍ کې د کوويډ۱۹ د پېښو زياتوالى او په روغتونونو کې د دې ويروس له امله د زياتو کسانو بستري کېدل، په افغانستان کې د ميتامفيتامين د زياتوالي په اړه د نشه يي توکو پر وړاندې د مبارزې د یو کارپوه اندېښنه او د زړه او ولادي ناروغیو په ګډون د روغتیا نړۍ څخه خبرونو او راپورونو شامل دي.
سالنګي په کاکتوس+ کې: طالبان له خپلو سیاسي مخالفینو سره خبرو ته غاړه نه ږدي
د فراه او پروان ولایتونو پخواني والي، عبدالبصیر سالنګي د کاکتوس+ په پروګرام کې وايي، طالبانو وښودله چې له خپلو سیاسي مخالفینو سره خبرې اترې نه مني، ځکه جګړه د دې ډلې د ټولو مشرانو او قوماندانانو ګډ فکر دی. سالنګي چې پخپله د طالبانو په وړاندې د جګړې تجربه لري وايي، که چیري د "طالبانو له منګولو" څخه د افغانستان د خلاصون لپاره جګړه سمه لار وي، نو دی نه ډاریږي او پوهیږي چې څنګه ددې ډلې پر وړاندې جګړه وکړي.
د کاروان د تکنالوژۍ ځانګړې خپرونه
د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.