TV Schedule

د کرکټ په روان نړیوال جام کې د افغانستان د وروستیو بریاوو لامل څه دی؟ د ژوند په امریکا کې د دې اونۍ په خپرونه کې د کرکټ د شنونکو، جعفر هاند، احمد فرهاد فدایي او مطیع الله عابد سره په دې اړه بحث شوی.

د بلوچستان په چمن ښارګوټي کې لسګونو زرو ځايي وګړو پر ډیورنډ کرښه د تګ راتګ دپاره د پاسپورټ او ویزې د لازمي کېدو او په پاکستان کې د افغانو کډوالو سره د پاکستاني چارواکو د چلند پرضد پرلت کړی دی. د دېرش دقیقو په دغه خپرونه کې په دې اړه د بحث برسېره، د طالبانو په زندانونو کې د یو شمېر فعالانو وضعیت ارزول شوی دی.

له پاکستان څخه د افغان کډوالو د شړلو مهلت ته یوازې څلور ورځې پاتې دي. پاکستان ولې د افغان کډوالو د شړلو پرېکړه کړې؟ ایا د طالبانو حکومت د دې وړتیا لري چې له پاکستان څخه هېواد ته د ستنېدونکو افغانانو ستونزې حل کړي؟ د دې اوونۍ د حایل په خپرونه کې د همدې موضوع په اړه بحث شوی دی.

لسګونو زره خلکو د پاکستان په چمن کې له پاکستان څخه د افغان کډوالو د ایستلو د پرېکړې او د افغانستان او پاکستان تر منځ د تګ راتګ دپاره د پاسپورټ او ویزې د لازمي کېدو په خلاف پرلت کړی دی. د سپینې خبرې په خپرونه کې په دې موضوع بحث کیږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

د پاکستان حکومت هغو کډوالو ته چې د کډوالۍ قانوني اسناد نلري د نومبر تر وروستۍ ورځې وخت ورکړی چې له دغه هېواد څخه په خپله خوښه ووځي که نه په زور به وشړل شي. د نن ورځې ستاسې غږ پروګرام کې په همدې موضوع د اوریدونکو نظریات اورو. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.