TV Schedule

په چمپینز ټرافي کې انګلنډ ته تر ماتې ورکولو وروسته، د افغانستان د کرکټ ملي لوبډلې دا بری په ملي او نړیواله کچه لمانځل شوی دی. د اتصال په خپرونه کې د افغانستان او انګلنډ ترمنځ د لوبې د ارزولو ترڅنګ په افغانستان کې د وروستیو سیلابونو له کبله د اوښتو زیانونو په اړه بحث شوی.

له افغانستان څخه د امریکايي تجهیزاتو د ستنولو د ارزونې په اړه پنټاګون ته د ټرمپ امر، د امریکا او اوکراین ترمنځ د معدنونو په اړه ممکنه هوکړه، په کندهار کې د احمد شاه دراني د کور د رغولو چارې، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

اوزبیکستان او پاکستان توافق کړی چې د افغانستان له لارې د ریل ګاډي پټلۍ غځولو لپاره درې اړخیزه کمیټه جوړه کړي. افغانستان څنګه کولای شي له دې پروژي ګټه پورته کړي؟ د سپینې خبرې په خپرونه کې د اوزبیکستان-افغانستان-پاکستان د ریل ګاډي پټلۍ د پروژې په اړه بحث کیږي. خپلې پوښتنې او نظرونه دلته ولیکئ.

د نن او وضعیت په خپرونه کې په افغانستان کې په ښځو او نجونو باندې د طالبانو له لورې په لګول شویو محدودیتونو او له خپلو حقونو څخه د افغانو ښځو د دفاع په فرصتونو بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰