TV Schedule

د هغو افغان ناروغانو ستونزې چې پاکستان ته د درملنې لپاره ځي، په افغانستان کې د ماشومانو د مړینې د مخنیوي لارې چارې، په جرمني کې د یو افغان ډاکټر هلې ځلې، د پروستات سرطان او د مخنیوي لارې چارې، او د روغتیا د نړۍ نور موضوعات د بوعلي سینا په خپرونه کې وګورئ.

دوحې او اسلام اباد ته د یو جګپوړي امریکايي دپلومات سفر، چین ته د روسیې سره د مرستې په سر د امریکا خبرداری، په کابل کې د افغانستان-قزاقستان نندارتون او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د امریکا د بهرنیو چارو وزارت ویلي د افغانستان او سیمې د امنیت په اړه د خبرو لپاره ددغه وزارت لوړپوړی دپلومات جان باس پاکستان ته ځي. د باس د سفر اغیزې به څه وي؟

د ننګرهار پوهنتون څو محصلینو د ډرون الوتکه جوړه کړې ده. د نن او ضعیت په خپرونه کې د دغو محصلینو او د هغوی له استاد سره خبرې شوي دي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.