TV Schedule

د بوعلي سینا ددې اوونۍ په خپرونه کې؛ په افغانستان او پاکستان کې د پولیو یا ګوزڼ د ویروس د موجودیت لاملونه، امریکا ته د نویو راغلي کډوالو د رواني ستونزو لاملونه، سالمه رواني روغتیا لرل او په ځيګر باندې د الکولو او نورو نشه یي توکو د اغیزې په ګډون د روغتیا له نړۍ پر یو شمېر نورو موضوعاتو بحث کیږي.

د امریکا غږ اشنا د شنبې په خپرونه کې؛ پر غزې د بریدونو د دوام، د پاکستان نه د افغانو کډوالو د اېستلو په اړه د ملګرو ملتونود اندېښنو او د پکتیا بالاحصار د ورانېدو د خطر په اړه راپورونه لرو.

د بخښنې نړیوال سازمان د پاکستان څخه د افغان کډوالو جبري ایستل د بشری حقوقو څخه سرغړونه بللې ده . بلخوا پاکستاني چارواکو پر افغان کډوالو د فشار د زیاتولو لپاره ، په اسلام اباد کې د پناه غوښتونکو د ساتنې مرکزونه جوړ کړیدي. د بخښنې نړیوال سازمان د پاکستان د حکومت څخه غوښتي دي چی د افغان کډوالو جبري ایستل بند کړي. ایا پاکستان به د نړیوالو سازمانونو د غوښتنو پر اساس د افغان کډوالو جبري ایستل بند کړي؟

د طالبانو د سرپرست حکومت د اطلاعاتو او کلتور وزارت د ژبو د تقویې لپاره عالی شورا جوړه کړیده. د نن او وضعیت په خپرونه کې د ادبي او ټولنیزو علومو مسلکي او اکاډمیک غړی، لیکوال او څیړونکی شهسوار سنګروال او لیکوال او شاعر لعل پاچا ازمون سره پدې اړ بحث او خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.