TV Schedule

په دې اوونۍ کې د "ژوند په امریکا کې" په خپرونه کې له یوې افغانې مېرمنې سره آشنا کېږو چې د سینګار په برخه کې د څو کلونو هڅو او زده کړو وروسته اوس خپل سینګارتون یا ارایشګاه لري. په دې پروګرام کې د دې افغانې مېرمنې ژوند او کار ته کتنه شوې ده.

د امریکا د جمهوري ریاست د ټاکنو د دوو کاندیدانو اوسني ولسمشر جو بایډن او ددغه هیواد پخواني ولسمشر ډونالډ ټرمپ ترمنځ تلویزیوني مناظره ترسره شوه. د دېرش دقیقو په خپرونه کې ددغې مناظرې د جزئیاتو په اړه بحث شوی. پر دې سربېره د افغانستان او نړۍ نور مهم خبرونه هم په دې خپرونه کې کتلای شئ.

د دوحې د درېیمې مشورتي غونډې په درشل کې د طالبانو سیاسي مخالفین په ویانا کې د خبرو لپاره راټول شول او د ولس په خوښه د یو ټولشموله افغان حکومت په جوړولو یې ټینګار وکړ. د حایل په خپرونه کې څېړل شوې چې ایا دا غونډې او خبرې اترې څومره د افغانستان مشکل حل کوي.

د متحده ایالاتو ولسمشر جو بایډن او ددغه هېواد پخوانی ولسمشر ډونالډ ټرمپ د سي ان ان تلویزیوني شبکې په کوربه توب مناظره کې د یو بل پر وړاندې ودرېدل او د افغانستان په شمول اقتصاد، بهرنیو چارو،او د جنین د سقط په موضوعاتو یې بحث وکړ. د سپینې خبرې په خپرونه کې په همدې موضوع خبرې شوي.

د دوحې د درېیمي مشورتي غونډې له پیلېدو څخه مخکې یو شمېر خلک په ځانګړې توګه مېرمنې د ښځو او د مدني ټولنې د استازو د نه ګډون له کبله اندیښمن دي. د نن او وضعیت په خپرونه کې پر دې موضوع سربېره د کرکټ شل اوریز نړیوال جام په اړه هم بحث کتلای شئ.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.