TV Schedule

د اتصال پدې خپرونه کې د اقتصادي چارو د شنونکو سره د واخان لارې پر ارزښت چې افغانستان له چین سره وصلوي خبرې شوي او همدا شان د افغانستان پر وچکالۍ د وروستیو اورښتونو اغېزې هم په یوه مرکه کې څېړل شوېدي.

په کابل کې د سیمې د هیوادونو د غونډې وروستی حال او ارزونه، په اردون کې پر امریکايي سرتېرو خونړی برید او په غبرګون کې پر ایران د برید احتمال، په جرمني کې د یو افغان لیکوال هڅې، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د افغانستان د ګاونډیو هېوادونو د استازو په ګډون په کابل کې د سیمه ایزو همکاریو د نوښت غونډه پیل شوې ده. له دې غونډې څخه څه تمه کیږي؟ د سپینې خبرې په خپرونه کې په همدې موضوع بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰