TV Schedule

په پاکستان کې د افغان کډوالو د پاتې کیدو په اړه نړیوال دریځ، پاکستان بې اسناده کډوال وباسي. نړیوال سازمانونه د پاکستان دغه پریکړه له بشري حقونو څخه سرغړونه بولي. که پاکستان له خپلې پرېکړې لاس وانخلي، د دغو ټولو افغان کډوالو برخلیک به څه وي؟ ایا په افغانستان کې د طالبانو حکومت ددې افغانانو لپاره منظم تدابیر لري؟ او د طالبانو لخوا په ښارونو کې د امنیتي کمرو لګول به جنایي پيښې کچه راټیټه کړي؟ په دې دوو موضوع ګانو په جلا بحثونو کې د میلمنو سره خبرې شوي.

نن یکشنبې د امریکاغږ اشنا په خپرونه کې؛ په غزې تړانګې د اسرائیل د ځمکنیو عملیاتو د دوېم پړاو وروستی حال اورئ. په پاکستان کې د افغانو کډوالو وضعیت ته کتنه کوو، او په افغانستان کې د نجونو لپاره د امریکا په کالیفورنیا ایالت کې د یوې لېسې زده کوونکو د انلاین زدکړو همکاري پېل کړې.

د افغانستان لپاره د ایران د جمهور رئیس ځانګړي استازي او په کابل کې ددغه هیواد سفیر حسن کاظمي قمي ویلي چې افغانستان باندې بندیزونه د ترهګرۍ او نشه يي توکو سره د مبارزې مخه نیسي. ولی د طالبانو پر حکومت او مشرانو نړیوال بندیزونه لګیدلي؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د "مستند ۵۲" په نامه د امریکاغږ د مستندو فلمونو لړۍ د تودو بشري موضوعګانو په وړاندې کولو سره تاسې له نړۍ سره نښلوي. دغه مستندونه د جالبو تصویرونو په ښودلو او د جذابو روایتونو په وړاندې کولو سره تاسو ته د سیمو او پېښو په اړه د تحقیق زمینه برابروي. دا خپرونه هره یکشنبه د افغانستان په وخت د شپې په ۱۰:۳۰ د امریکا غږ د سپوږمکۍ، پښتو او دري فیسبوک او یوټیوب چاینلونو له لارې خپریږي. تاسو دا مستندونه د امریکا غږ په ویبسایټونو او ټولنیزو رسنیو کې هم کتلای او تعقیبولای شي.