TV Schedule

دا اونۍ د امریکا د طبیعي تاریخ ملي موزیم څخه لیدنه کړې او په ځمکه کې د ژوند د تنوع او تاریخ په اړه ډیر په زړه پورې معلومات راغونډ کړي.

د افغانستان د خبریالانو مرکز وايي چې په ۲۰۲۳ کال کې پر افغانو خبریالانو او رسنیو د طالبانو فشارونه نورهم زیات شوي. دې مرکز په دغه کال کې د یو خبریال د وژل کېدو او د ۱۹ نورو ټپي کیدو په ګډون د خبریالانو پروړاندې د تاوتریخوالي ۱۶۸ پیښې ثبت کړي. د دېرش دقیقو په خپرونه کې پر دې سربېره په ۲۰۲۳ کال بشري او اقتصادي وضعیت ته هم کتنه شوې ده.

د خوړو نړیوال پروګرام (ډبلیو ایف پي) وايي دا چې افغانستان په نړۍ کې د خوړو د کمښت له پلوه اتم هیواد دی، دا پروګرام د بودیجې د کمښت له امله دې ته اړ شوی چې سږکال د لس میلیونو افغانانو سره خپلې مرستې ودروي. په افغانستان کې په ژمی کې د هوا په سړیدو سره یو خاموش کړکیچ د بې شمیره افغانانو ژوند ګواښي. د افغانانو سره د نړیوالو مرستو د کمیدو لاملونه څه او د حل لارې یې کومې دي؟ د خپرونې د میلمنو نظرونه ددې اونۍ په حایل خپرونه کې وګورئ.

په زرګونو افغان کډوال په دریمګړو هیوادونو کې د پناه اخیستو په لټه کې اندونیزیا ته تللي، او له تیرې څه باندې یوې لسیزې راهیسې په سختو شرایطو او بې سرنوشتۍ کې ژوند کوي. په اندونیزیا کې د افغان پناه غوښتونکو راتونکی به څنګه وي او وضعیت ته یې ولې پاملرنه نه کیږي؟

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.