TV Schedule

په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.

د امریکاغږ اشنا د یکشنبې په خبري خپرونه کې د طالبانو سره د نړیوالې ټولنې د اختلافاتو تازه اقدامات اورئ، د حزب الله د مشر حسن نصرالله تر وژل کیدو وروسته د لبنانیانو د اندېښنو او د امریکا د کورني سیاست سربیره، په سندیاګو ښار کې د افغانانو لپاره د فوټبال د روزنځای په هکله یو راپور هم وړاندې کیږي.

د ملګرو ملتونو عمومي منشي یو ځل بیا په افغان میرمنو باندې د طالبانو له خوا په لګیدلو محدودیتونو انتقاد کړی او د عدالت نړیوالې محکمې ته د طالبانو د حاضرولو لپاره یې د یو شمیر هیوادونو او نړیوالو سازمانو له روانو هڅو ملاتړ اعلان کړی دی. دا چې دا اقدام طالبانو ته څه پیغام لیږدوي او ایا ددې ډلې د چلند د بدلیدو سبب به شي؟ د سپینې خبرې په خپرونه کې په همدې موضوع بحث کوو

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰