TV Schedule

د بوعلي سینا ددې اوونۍ په خپرونه کې د رحم د سرطان تشخیص او درملنه، د میرګي ناروغۍ په اړه معلومات، د انسان په روغتیا باندې د هوا ککړتیا اغیزې، په غزه کې د روغتیايي سیستم وضعیت، پر ځوانانو د نشه يي توکو د استعمال ناوړه اغیزې، د مفصلي روماتیزم د وقايې لارې چارې او د روغتیا نړۍ خبرونه او راپورونه شامل دي.

د امریکاغږ اشنا د شنبې په خپرونه کې د اردن برید ته د امریکا د ځواب ورکولو، د طالبانو نه د ملګرو ملتونو د غوښتنې او د قیمتي ډبرو د سوداګرو د شکایتونو په اړه راپورونه خپرېږي.

سیګار وایي د امریکا د بهرنیو چارو وزارت په یو ستراتیژیک سند کې راغلي، چې متحده ایالتونه د طالبانو له رسمیت پېژندلو پرته په افغانستان کې د خپلې قونسلګرۍ د بیا پرانستلو پر امکان غور کوي. په افغانستان کې د امریکا د قونسلګرۍ احتمالي پرانیستل به کوم بدلونونه رامنځته کړي؟

د افغانستان او پاکستان ترمنځ پر بولدک - چمن لار د تګ راتګ لپاره د پاسپورټ او ویزې لازمي کېدو پرضد له تېرو ۱۱۲ ورځو راهیسې د خلکو پرلت روان دی. هغوی غواړي چې غوښتني یې ومنل شي. د دغه پرلت مشران وایي ، پریکړه یې کړې ده چې د دولتي ادارو مخې کې به غونډیږي، احتجاج به کوي او په سیمه کې د فبرورۍ پر اتمه نېټه د کېدونکو انتخاباتو مخه به ونیسي. د نن او وضعیت په نننۍ پروګرام کې د سیاسی چاروکارپوه او محقق ډاکټر شهسوار سنګروال سره پر همدې موضوع خبرې کوو

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.