TV Schedule

د بوعلي سینا ددې اوونۍ په خپرونه کې په روغتیايي سکټور کې د ښځینه ډاکټرانو د کمبود ستونزې، د شري ناروغۍ پر وړاندې وقایه او درملنه، د هډوکو د ورستوالي خطرونه، په غزه کې د فعالو روغتونونو وضعیت او په بدن کې د ویټامینونو د مهمې ونډې په ګډون د روغتیا نړۍ خبرونه او راپورونه شامل دي.

د امریکاغږ اشنا د شنبې په خبري خپرونه کې د افغانستان په اړه د ملګرو ملتونو د پرېکړه لیک، د امریکا او فلیپین د اړیکو او یوه سوري کډوال ته د یو میلیون ډالري انعام د ورکولو په اړه مهم مطالب خپروو.

د ملګرو ملتونو امنیت شورا د جمعې په ورځ ډسمبر ۲۹مه د یو پریکړه لیک په تصویبولو سره د افغانستان د ملي حاکمیت، خپلواکۍ، ځمکنۍ بشپړتیا او ملي یووالي او همدارنګه له افغانانو سره د دوامداره ملاتړ په برخه کې د دغې شورا پر ټینګو ژمنو ټینګار وکړ. ايا د ملګرو ملتونو د دغه پرېکړه ليک تصويب د طالبانو په رسميت د نه پيژندلو او په افغانستان کې د دغې ډلې د واکمنۍ پر وړاندې د جدي دريځ د نیولو مانا لري؟

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.