TV Schedule

ژوند په امریکا کې د دې اونۍ په خپرونه کې د هغو افغانانو سره خواله شوي چې د افغانستان د خپلواکۍ د ۱۰۵مې کلیزې په مناسبت واشنګټن ډي سي ته څېرمه د والیبال په یو ټورنمنټ کې راټول شوي وو.

د اګست ۳۰مه په نړۍ کې د اجباري لادرکه کېدو د قربانیانو د نړیوالې ورځې، د طالبانو د امربالمعروف نوي قانون ته کورني او بهرني غبرګونونه، د افغانستان او نړۍ مهم خبرونه د دېرش دقیقو په خپرونه کې کتلای شئ.

د حایل په خپرونه کې د طالبانو د امربالمعروف او نهی عن المنکر د قانون د پلي کېدو د پایلو په اړه په ایټالیا کې د پوهنتون استاد عبدالله شفايي، د سیاسي چارو شنونکي توریالي همت او د ښځو د حقونو فعالې نظیفې جلالي سره بحث شوی دی.

په پاکستان کې د بلوڅ جدايي غوښتونکو په وروستیو بریدونو کې په لسګونو کسان وژل شوي دي. پاکستان کې د بلوڅ جدايي غوښتونکو بریدونه ولې زیات شوي؟ د سپینې خبرې په خپرونه کې پدې موضوع بحث کیږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.