TV Schedule

د اتصال په خپرونه کې د طالبانو د هغه پریکړې په اړه خبرې شوي چې له مخې یې ټول هغه غیر مسؤل کسان چې د ځان د خوندیتوب لپاره وسلې لري باید د وسلو جواز له سره نوی کړي. همداشان په افغانستان کې د اوبو د کمښت په اړه د ولس په ستونزو او د ملګرو ملتونو په اندیښنو او حل لارو هم خبرې شوي.

پر ښځو د طالبانو د محدودیت د لیرې کېدو لپاره د بخښنې نړیوال سازمان غوښتنه، د امریکا د ولسمشرۍ د ټاکنو په اړه د ترکیې دریځ، د مځني ختیځ وضعیت او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

یوناما او د بخښنې نړیوال سازمان افغانستان کې د تیر حکومت د کارکوونکو د ځورونې او پر ښځو د محدودیتونو په دوام اندیښنه ښودلې. څه ډول فشارونه به طالبان د خپلو سیاستونو بدلیدو ته اړ کړي؟ د سپینې خبرې په پروګرام کې په همدې موضوع بحث کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰