TV Schedule

د بیزو تڼاکې ساري ناروغۍ د مخنیوي لارې چارې، په سکاټلینډ کې د ښځینه طبي زده کونکو د زده کړې دوام، په غزه کې د پولیو واکسین د تطبیق په اړه اندیښنې، په افغانستان کې د ښځینه ډاکټرانو د کمښت پایلې او زیانونه او د درملو د پرمختګ په اړه تازه خبرونو پدې خپرونه کې کتلای شئ.

له جرمني څخه د ۲۸ افغان کډوالو ایستل، په افغانستان کې د ترهګریزو فعالیتونو په اړه د امریکا د مرکزي استخباراتو د ادارې تازه څرګندونې، د امریکا په ولسمشریزو ټاکنو کې د اوباما کی یر په نوم د روغتیايي خدماتو ناڅرګند برخه لیک، د پارالمپیک په لوبو کې د دوو افغان لوبغاړو مډال ګټل، د افغانستان او نړۍ نور مهم خبرونه د امریکاغږ اشنا په خپرونه کې کتلای شئ.

ملګري ملتونه وايي، طالبانو او ټولو ښکیلو خواوو سره به تعامل ته دوام ورکړي. د سپینې خبرې په خپرونه کې د ملګرو ملتونو د مشر ستیفن دوجاریک تازه څرګندونو چې ویلي د طالبانو د امربالمعروف او نهی عن المنکر وزارت له خوا افغانستان کې د ملګرو ملتونو مرستندویه پلاوي دفتر "یوناما" سره د همکارۍ د پریکون د اعلان سره سره به ټولو ښکیلو خواوو سره تعامل ته دوام ورکړي، بحث کتلای شئ.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.