TV Schedule

د افغانستان د کانونو او پټرولیم وزارت پخوانی سلاکار عبدالقدیر مطفي وايي،‌ د طالبانو حکومت د کانونو او پټرولیم وزارت له وضاحت پرته له یو شمېر نا معلومو شرکتونو سره د کانونو د سپړلو په موخه تړونونه لاسلیک کړي دي او داسې ښکاري چې طالبان یوازې پیسو ته اړتیا لري. ښاغلی مطفي وايي، د زیربنا جوړولو پرته د کانونو سپړل به افغانستان ته زیان ورسوي.

د امریکا کانګرس کې د استازو جرګې غړی مایکل مککال وايي، جو بایډن هڅه کوي چې د طالبانو تروریستي روابط له پامه وغورځوي. د اتصال په دې خپرونه کې لومړی بحث پر همدې ادعا متمرکز دی او په پای کې د افغانو مدني فعالانو سره د اروپايي ټولنې د ملاتړ په اړه خبرې شوي دي.

په دغه خپرونه کې د طالبانو سره د اړیکو په اړه د امریکا د متحدو ایالتونو د چارواکو تازه څرګندونې، د دندې څخه د امریکا د استازو جرګې د مشر د ګوښه کېدو ارزونه، په پاکستان کې د افغانو کډوالو د ستونزو په اړه راپور، په دې اړه مرکه او ګڼ نور خبرونه او مرکې اورېدلای شئ.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰