TV Schedule

د اتصال په خپرونه کې مو په ایران کې د افغان کډوالو نویو ستونزو ته کتنه کړې، ایران د دغه هیواد ۱۶ ولایتونو ته د کډوالو په تګ راتګ بندیز لګولی، له بلې خو د امریکا متحده ایالاتو د بهرنیو چارو وزارت د هغو افغانانو لپاره چې د امریکا تابعیت یا دایمي استوګنه لري، یوه نوې اسانتیا رامنځته کړې.

پاکستان کې د افغانو کډوالو د ستونزو، د صنعتی نشه یي توکو د تولید له کبله د ایران په اندېښنو او دحماس او اسرائیل ترمنځ د جګړو د دوام په اړه راپورونه او د افغانستان او نړۍ نور خبرونه د امریکا غږ اشنا تلویزیون په خبري ټولګه کې وګورئ.

لوړ پوړي امریکايي او پاکستاني چارواکي نن د افغان کډوالو او په امریکا کې یې د میشتېدو د بهیر په اړه خبرې کوي. ایا د لویدیځو هیوادونو او پاکستان ترمنځ خبرې به په پاکستان کې د کډوالو ستونزې حل کړي؟ د سپینې خبرې د نن شپې په خپرونه کې پدې هکله بحث کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰