TV Schedule

له افغانستان څخه وتلي افغان خبریالان چې اوس په پاکستان کې ژوند کوي وایې، چې د پولیسو له ویرې د اسنادو سره سره په خپلو کورونو کې ارام ندي او ددې ویره شته چې په زوره به و ویستل شي. پدې پروګرام کې د همدې خبریالانو سره خبرې شوي او ایران ته د ملا عبدالغني برادر د سفر په اهمیت هم د میلمه سره مرکه شوی.

نن یکشنبې د امریکاغږ په خپرونه کې د اسرائیل او حماس ترمنځ د روانې جګړې په اړه د امریکا د جګپوړي ډپلومات سره د سیمې د چارواکو د لیدنو او د نړۍ په مختلفو ښارونو کې د لاریونونو په ترڅ کې د اوربند د غوښتنو تفصیل اورئ. په پاکستان کې د مدني فعالانو اندېښنې درسره شریکو او په افغانستان کې د کورني کرېکټ سیالۍ پېل شوي، تاسو به يي تفصیل وګورئ او واورئ.

د طالبانو د حکومت د کورنیو چارو سرپرست وزیر وايي، د طالبانو هغه هڅې چې له افغانستانه چا ته ګواښ پېښ نه شي، درناوی نه دی شوی او پر ځای یې پاکستان د افغان کډوالو د ایستلو پرېکړه وکړه. د طالبانو حکومت د وکیلانو په ګډون د متخصصینو یوه کمېټه جوړه کړې چې په نورو هیوادونو کې د میشتو افغان مهاجرینو د حقونو دفاع وکړي. طالبان په څه ډول په بهرمیشتو هیوادونو کې د افغان کډوالو له مدني حقوقو دفاع کولی شي؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰