TV Schedule

هغه افغانان چې له خپل وطن څخه لرې ژوند کوي څنګه کولای شي خپل دودونه او کلتوري ارزښتونه وساتي او په عین حال کې له خپل وطن سره ژورې اړیکې ولري؟ په دې اړه مو له یو داسې افغان سره خبري کړي چې د امریکا سربیره په اسیا او افریقا کې د ژوند تجربې لري.

طالبانو په کندهار کې د سیاسي فعالیتونو په تور دوه کسان د ۱۵-۱۵ کالونو بند په سزا محکوم کړي او یو بل کس یې په ۳۰ درو وهلی دی. د دېرش دقیقو په خپرونه کې پر دې سربیره په افغانستان کې د بشري وضعیت او نړیوالو مرستو کمېدو، نړۍ او افغانستان کې د ماشومانو د حقونو تر پښو لاندې کېدو په اړه راپورونه او بحث کتلای شئ.

د حایل په خپرونه کې په افغانستان او سیمه کې د داعش د خطر په اړه د افغانستان د کورنیو چارو وزارت د پخواني مرستیال خوشحال سادات او د پاکستان د پوځ متقاعد جنرال سعد محمد خان سره بحث شوی دی.

په کندهار کې طالبانو د 'سیاسي فعالیتونو' له کبله دریو کسانو ته سزاوې ورکړې. د طالبانو د حکومت د عدلیې د سرپرست وزیر عبدالحکیم شرعي ویلي د احزابو فعالیتونه په مطلق ډول منع دي. پر سیاسي فعالیتونو او احزابو د طالبانو د بندیز عمده دلایل څه دي؟ د سپینې خبرې په خپرونه کې پدې هکله بحث شوی.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.