TV Schedule

ژوند په امریکا کې خپرونه کې، د ټکساس ایالت په ډالاس ښار کې له یو افغان سره خبرې شوي چې له ډېرو کلونو راهیسې د ټکر شویو موټرونو او پرزو په تجارت بوخت دی. اسحاق سید د خپل تجارت او کار په اړه معلومات ورکوي.

ملګري ملتونه وايي، د دوحې په درېیمه مشورتي غونډه کې د نړۍ د هیوادونو د ځانګړو استازو عمده غوښتنې په افغانستان کې د نجونې زده کړې او د ټول شموله حکومت جوړیدل وو. د دېرش دقیقو په خپرونه کې پر دې سربېره د شانګهای د همکارۍ سازمان پر سرمشریزې هم بحث کتلای شئ.

د حایل په خپرونه کې د دوحې د درېیمې غونډې د پایلو او ممکنه اغیزو په اړه د نړیوالو چارو د کارپوه محمد هاشم وحدتیار او د پوهنتون د استاد هدایت الله پکتین سره بحث شوی دی.

د شانګهای په سرمشریزه کې ددغه سازمان غړو هیوادونو په افغانستان کې د ټول شموله حکومت پر جوړیدو ټینګار کړی. طالبان وايي د ټول شموله حکومت جوړولو مسله د افغانانو پورې اړه لري. د سپينې خبرې په خپرونه کې په دې اړه د شنونکو سره بحث کتلای شئ.

د نن او وضعیت په خپرونه کې په افغانستان کې د ترهګرۍ د مخنیوي په اړه په نړۍ کې د چارواکو پر وروستیو څرګندونو او په پاکستان کې د افغان محصلینو په ستونزو بحثونه شوي دي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.