TV Schedule

ملګري ملتونه وايي په افغانستان کې د کوکنارو کښت ۹۵ سلنه کم شوی خو کروندګر وايي په بدل کې یې مرستې نه دي ورسره شوي. د اتصال په نننۍ خپرونه کې ددې موضوع برسېره د اسرائیل او حماس تر منځ په غزه کې جګړې ته پر نړیوالو غبرګونونو بحث شوی دی.

د بشري مرستو د رسولو دپاره د امریکا له لورې په غزې کې د جګړې د لنډ ځنډ غوښتنه، پاکستان څخه د ایستل شویو افغان کډوالو وضعیت او په اړه یې د طالب چارواکو تازه غبرګونونه، او د افغانستان او نړۍ نور خبرونه د امریکا غږ اشنا تلویزیون په نننۍ خپرونه کې وګورئ.

په افغانستان کې خراب اقتصادي وضعیت، د مرستو کمښت او له پاکستان څخه په ډله ییز ډول د کډوالو ستنېدو په دغه هېواد کې د بشري بحران د رامنځته کېدو اندېښنې راولاړې کړي دي. روان وضعیت ته په کتو، د افغانستان اقتصاد څنګه ښه کیدلی شي؟ د سپینې خبرې د نن شپې په خپرونه کې پدې هکله خبرې کوو. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰