TV Schedule

نواب خان هغه افغان ځوان دی چې په دې وروستیو کې د امنیتي ستونزو له امله له خپلې کورنۍ سره هند ته او بیا وروسته استرالیا ته کډوال شوی دی. نواب خان هم د نورو افغانو کډوالو په څیر د ژوند لوړې ژورې لیدلي خو حوصله یې نده بایللې او خپل ارمان ته چې په هندي فلمونو کې کار کول و، رسېدلی دی. نواب خان د امریکا غږ سره په مرکه کې ویلي چې په سېنما کې یې د کار کولو خوب او هغه هم په هندي سېنما کې د هر چا لپاره ناشونی ښکاریده خو ده وکولای شو چې دا خوب پوره کړي.

د اتصال په خپرونه کې د طالبانو د حکومت او چین ترمنځ د سیاسي او اقتصادي اړیکو برسېره د افغانستان د پخواني حکومت د ځینو چارواکو پر اندېښنو بحث کوو چې وايي په افغانستان کې یې کورونه او ملکیتونه نیول شوي دي.

نن چهارشنبې د امریکاغږ اشنا ټلویزیون په خپرونه کې په افغانستان کې د نجونو او هلکانو د زدکړو په اړه د بشري حقونو د څار سازمان د راپور جزئیات خپرو. په خپرونه کې په غزه کې د اسرائیل او حماس ډلې له خوا د جنګي جرمونو د ادعاوو او په ننګرهار کې د مالټو د حاصلاتو په اړه راپورونه او د افغانستان او نړۍ نور خبرونه شامل دي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰