TV Schedule

د جرمني د بهرنیو چارو وزیرې په افغانستان کې په ښځو او نجونو باندې د طالبانو د محدودیتونو پر دوام نیوکه کړې او ویلي دي چې ددغې ډلې دا اقدامات به بې پایلو پاتې نه شي. د اتصال په خپرونه کې پر دې موضوع سربېره په افغانستان کې د تنفسي ناروغیو د زیاتېدو په اړه بحث کتلای شئ.

په اروپايي هېوادونو کې د کډوالو د منلو شرایط سخت شوي دي. دې وضعیت پر افغان کډوالو څه اغیز کړی؟ د سپینې خبرې په خپرونه کې په دې موضوع بحث کیږي.

د کابل په هوايي ډګر کې د ۲۰۲۱ د خونړي برید په تړاو نیول شوی کس په امریکا کې محاکمې ته وړاندې شو.د داعش سره تړاو لرونکی دا کس د افغانستان او پاکستان په سرحدي سیمو کې نیول شوی. په نن او وضعیت کې په دغو هېوادونو کې د داعش-خراسان د ګواښ په اړه بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰