TV Schedule

د بوعلي سینا ددې اوونۍ په خپرونه کې، د درېیمې نړۍ او لوېدیځو هېوادونو د روغتیايي سیستم وضعیت، د طبي اخلاقو پر اهمیت او اړتیا بحث، په افغانستان او لوېدیځو هېوادونو کې د نري رنځ د درملنې او مخنیوي لارې چارې، پر ماشومانو او تنکیو ځوانانو د مور او پلار له خوا د نشه‎ يي توکو د کارولو منفي اغېزې او د اوتیسم ناروغانو د درملنې په ګډون د روغتیا د نړۍ څخه راپورونه کتلای او اوریدلای شئ.‌

امریکا غږ د شنبې په خبري خپرونه کې د اسرائیل د صدراعظم په وړاندې اعتراضیه لاریون، امریکا کې د ټاکنیزو مبارزو او په پاکستان کې د کډوالو دستونزو په اړه مهم راپورونه خپرېږي.

د طالبانو مشر ملا هبت الله اخندزاده د کوچني اختر رارسیدو په مناسبت پیغام کې ویلي، چې د طالبانو حکومت د شریعت د تطبیق، امنیت، اقتصاد، پوهنې او له نشه یي توکو سره د مبارزې په برخو کې ښې لاسته راوړنې لرلي دي. د طالبانو په حاکمیت کې د افغان ولس څومره ستونزې حل شوي دي؟

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.