TV Schedule

د ژوند په امریکا کې خپرونه کې د یو افغان سره خبرې شوي چې څه باندې پنځوس کاله وړاندې امریکا ته مهاجر شوی او اوس د خپل تقاعد دورې ورځې شپې تېروي. هغه د خپل ژوند د لوړو ژورو کیسې کوي او هغه ننګونې او لاسته راوړنې بیانوي چې په افغانستان او امریکا کې یې تجربه کړي دي.

د ملګرو ملتونو عمومي منشي انتونیو ګوتیریش د امنیت شورا ته ویلي چې د داعش خراسان څانګې په افغانستان کې خپلو جنګیالیو ته لارښوونه کړې چې په نورو هیوادونو کې بریدونه وکړي. د دېرش دقیقو په خپرونه کې پر دې موضوع سربېره په افغانستان کې پر اقتصادي او بشري وضعیت هم بحث شوی دی.

د حایل په خپرونه کې، په افغانستان کې د نظام د مشروعیت په اړه د متحدې جبهې د سیاسي چارو د مسئول عبدالقیوم رحیمي سره بحث شوی دی.

د جرمني رسنیو د راپور پر اساس، د هغه هیواد د بهرنیو چارو وزارت منلې ده چې په مونشن کې د افغانستان قونسلګري اوس په دې هیواد کې ټولو افغانانو ته قونسلي چارې پرمخ وړي. د سپینې خبرې په خپرونه کې په جرمني کې د افغانستان د سفارت او قونسلګریو پر فعالیت بحث کیږي.

د نن او وضعیت په دې پروګرام کې د افغانستان د پولو بهر د ترهګریزو ګواښونو په اړه د ملګرو ملتونو د عمومي منشي انتونیو ګوتیرش په خبرداري، د پاکستان له امنیتي پيښو سره د افغانستان د احتمالي تړاو او د ملګرو ملتونو امنیت شورا ته د ریچارد بنیټ له خوا د تازه وړاندې کیدونکي راپور په څرنګوالي بحث کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.