TV Schedule

د بوعلي سینا ددې اونۍ په خپرونه کې، په انسانانو کې د زړه روغتیا ته پاملرنې، دماغي صدمې او اغیزې یې، د کرونا د نویو ډولونو د خپریدو مخنیوي لپاره تازه هڅې،‌ د ماشومانو د رواني روغتیا ساتلو لپاره کورنۍ نسخو او لارو چارو سربیره یو شمېر نورو روغتیايي موضوعاتو باندې بحث کیږي

د اشنا د شنبې په خبري خپرونه کې په جبري توګه له پاکستان څخه د افغان کډوالو اېستلو په اړه د ملګرو ملتونو پر اندېښنو، اوکراین څخه د امریکا د پوځي ملاتړ او د یوې لویې کلتوري غونډې په اړه مهم راپورونه لرو.

په هسپانیې کې د افغانستان سفارت د طالبانو د سرپرست حکومت د بهرنیو چارو وزارت سره تعامل اعلان کړ.‌ د طالبانو د حکومت سره د افغانستان د سفارتونو تعاملاتو زیاتیدل،‌ افغان ولس او د طالبانو حکومت ته څومره ګټه لري؟

د طالبانو سرپرست حکومت د رپوټونو له مخې، دوی یو شمیر حکومتي بستونه اعلان کړي دي، چې هر څوک کولی شي ورته غوښتنلیکونه ورکړي. خو بلخوا یو شمیر ځوانانو ویلي دي، چې د حکومتي بستونو دا اعلان هسې په افغانستان کې د طالبانو د حکومت د دریځ یو نمایش دی. پدې اړه د پروګرام له میلمه، د تجارت او کارموندنې له کارپوه، سیام پسرلی سره خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.