TV Schedule

د اتصال په دې خپرونه کې له پاکستان څخه د افغان کډوالو د ایستلو او پاکستان ته د طالبانو د خبرداري په اړه بحث کوو او د کرکټ په نړیوال جام کې د افغانستان سیالۍ څېړو. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.

له پاکستان څخه د افغانو کډوالو د ایستلو لړۍ، د حماس او اسرائیل د جګړې دوام او له دې جګړې سره په امریکا کې د مېشتو یو شمېر یهودانو مخالفت او د افغانستان او نړۍ نور خبرونه د امریکا غږ اشنا تلویزیون په دې خبري ټولګه کې وګورئ.

د پاکستان سربېره، اوس ایران هم د افغانو کډوالو د اېستلو بهیر چټک کړی او ملګرو ملتونو یې په اړه اندېښنه ښودلې ده. ددغو افغانانو د ستونزو د حل لپاره څه کول پکار دي؟ د سپینې خبرې د نن شپې په خپرونه کې ددې موضوع په اړه بحث کوو. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰