TV Schedule

د ژوند په امریکا کې خپرونه کې د افغان متشبث هارون غیاثي سره خبرې شوي چې په امریکا کې ژوند کوي او د کمپیوټرونو د پلورلو مغازه لري. ښاغلي غياثي امريکا ته له راتلو او د سوداګرۍ په برخه کې له زده کړې وروسته توانېدلی چې کوچنۍ سوداګري پیل کړي.

د ملګرو ملتونو امنیت شورا د طالبانو څلورو چارواکو ته چې د سفر بندیزونه پرې لګېدلي، اجازه ورکړه چې سعودي عربستان ته سفر وکړي، پر دې سربېره تهران کې د افغانستان په اړه د سېمه ییز تماس ډلې غونډې جوړیدل، د کرکټ نړیوال جام، د افغانستان او نړۍ نور خبرونه د دېرش دقیقو په خپرونه کې کتلای شئ.

د حایل په خپرونه کې د روسیې او طالبانو د حکومت د اړیکو او روسي مقاماتو د وروستیو څرګندونو په اړه بحث شوی چې غواړي د طالبانو نوم د ترهګرو ډلو له لیسټ څخه وباسي.

د ملګرو ملتونو امنیت شورا د طالبانو څلورو چارواکو ته چې د سفر بندیزونه پرې لګېدلي، اجازه ورکړه چې سعودي عربستان ته سفر وکړي. د سپینې خبرې په خپرونه کې د ملګرو ملتونو د امنیت شورا پر دغه اقدام او اغیزو یې بحث کتلای شئ.

د نن او وضعیت په خپرونه کې له جرمني څخه د افغان کډوالو د ممکنه شړلو د پریکړې او د کرکټ نړیوال جام کې د افغانستان د لوبو په اړه راپورونه او بحثونه شامل دي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.