TV Schedule

د راډیو فریکونسۍ شعاعو په مرسته د سرطان د درملنې نوې طریقه، په خلکو کې د ځان وژنې د مخنیوي عوامل او لارې چارې، د ملاریا د مقاومت لرونکو ډولونو اغیزمنه درملنه، د رواني ناروغۍ د درملنې لاملونه او لارې، د مخدره توکو د زیانونو په اړه راپورونه، په غزه کې له ۲۵ کلونو وروسته د ګوزڼ لومړۍ پېښه او نور صحی رپوټونه د دې اوونۍ د بو علي سینا په خپرونه کې ووینئ.

د امریکا غږ د آشنا د شنبې په خپرونه کې د ملګرو ملتونو د امنیت شورا له خوا پر افغانانو د طالبانو د اقداماتو د غندنې، په امریکا کې د وسلې د حق د درلودلو په اړه د ولسمشریزو ټاکنو د کاندیدانو د تازه څرګندونو او د تحصیل د زمینې د نه شتون په اړه د میرمنو د اندیښنو تر څنګ، مهم راپورونه او مرکې لرو.

د قرغیزستان له خوا د تروریستي ډلو د نوملړ څخه د طالبانو د ډلې د نوم د ایستلو له پریکړې وروسته ویلي، دا ډیره مهمه ده چې د افغانستان ګاونډیان د طالبانو سره اړیکې وساتي. آیا دا ډول هڅې د طالبانو د حکومت په رسمیت پیژندلو ته زمینه برابروي؟

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.