TV Schedule

د اتصال د یکشنبې په خپرونه کې په افغانستان کې د طالبانو وروستیو پریکړو او فرمانونو ته د ملګرو ملتونو او نړیوالو د غبرګونو په دوام د طالبانو په دریځ خبرې شوي. همداشان یو شمېر خبریالان ادعا کوي چې په افغانستان کې اطلاعاتو ته لاسرسی نور هم محدود او د دوی د رسنیزو فعالیتونو سانسورول زیات شوي دي.

د امریکاغږ اشنا د نن یکشنبې په خپرونه کې د سواد نړیوالې ورځې په مناسبت په افغانستان کې د سواد د زده کړې وضعیت ته کتنه شوې او د امریکا د جمهوري ریاست په ټاکنو کې د ویسټ ورجینیا ایالت سیاسي دریځ بدلولو هم تفصیل وړاندې کیږي..

یونسکو د سپتمبر اتمه د سواد د زده کړې (د بې سوادۍ سره مبارزې) نړیواله ورځ نومولې او د هغه دلیل یې افرادو او ټولنو ته د سواد د اهمیت په ډآګه کول ګڼلي دي. دا چې آیا د طالبانو تر واکمنۍ لاندې افغانستان کې به د زده کړو چاپیریال بدل شي که نه، په دې موضوع د سپینې خبرې په خپرونه کې بحث کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰