TV Schedule

د پاکستان سرپرست صدراعظم ویلي د طالبانو حکومت د اورپکو په مخنیوي کې پاتې راغلی او له کبله یې پاکستان د افغان کډوالو د شړلو پرېکړه کړې. د اتصال په نننۍ خپرونه کې ددغې موضوع برسېره، د جرمني د کډوالۍ په قوانینو کې تازه بدلونونه او پر افغان کډوالو یې اغیزې ارزول کېږي.

د پاکستان د سرپرست صدراعظم نیوکو ته د طالبانو غبرګون، د اسرائیل لخوا د غزې د اشغال په تړاو نړیوال مخالفتونه، هند ته د امریکا د بهرنیو چارو او دفاع وزیرانو سفر، په افغانستان کې د ښوونځیو پر ځای د مدرسو د شمیر زیاتوالی، او د افغانستان او نړۍ نور خبرونه د امریکا غږ اشنا تلویزیون په دې خبري ټولګه کې وګورئ.

د یوناما مشرې ویلي د نجونو پر زده کړو بندیز د طالبانو د حکومتدارۍ د سیستم برخه ګرځیدلې. د دغه بندیز دوام د افغانستان پر راتلونکي څه اغېز لري؟ د سپینې خبرې د نن شپې په خپرونه کې د همدې موضوع په اړه خبرې کوو. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰