TV Schedule

د بوعلي سینا ددې اوونۍ کې په پروګرام کې د نشه يي توکو د زیانونو په مخنیوي کې د لیکوالانو او فرهنګپالانو ونډه، د ځواني دانو د درملنې لارې چارې، د میاشتني عادت اختلالاتو او د سرطان ناروغۍ ترمنځ اړیکه، د مثانې د انتان د نه درملنې له روغتیايي ستونزې، په افغانستان کې د سیروم د تولید فابریکې فعالیت او د شکر ناروغۍ او د هغې د مخنیوي لارو چارو په اړه رپوټونه کتلای او اوریدلای شئ.

د اشنا په خبري خپرونو کې د شنبې څخه تر پنجشنبې پورې د افغانستان، سیمې او نړۍ تازه خبرونه، او د ټولې نړۍ څخه په زړه پورې او معلوماتي رپوټونه، د مسولینو او کارپوهانو مرکې، ستاسې غږ او نور مطالب لیدلی شی.

د طالبانو مشر ملا هبت الله اخوندزاده د یو فرمان په ترځ کې په افغانستان کې ددغې ډلې تر واک لاندې د وسلو او مهماتو ذخایرو ته د دفاع، کورنیو چارو وزارتونو او د استخباراتو ریاست د چارواکو پرلاس رسي بندیز لګولی. دا چې د طالبانو د مشر ددغه فرمان هدف څه دی، د سپینې خبرې په خپرونه کې په همدې موضوع بحث کوو.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.