TV Schedule

د بوعلي سینا ددې اوونۍ په خپرونه کې، په افغانستان کې د ایډز ناروغۍ د خپریدو لاملونه، په قزاقستان کې د همجنسبازانو ترمنځ د اچ آی وي د خپریدو په اړه اندیښنې، د پروستات د سرطان لاملونه او مخنیوی، پر انسانانو د هوا د ککړتیا جسمي او رواني اغیزې، د وخت څخه مخکې زیږون له امله اختلالات او د طب په برخه کې د وروستیو پرمختګونو په ګډون د روغتیا د نړۍ خبرونه شامل دي.

د امریکا غږ د اشنا په خپرونه کې په افغانستان کې د جنګي جرمونو د څېړلو د غوښتنې، د غزې د اوربند په اړه د ملګروملتونو د غونډې او په خوست ولایت کې د ځوانانو د مسلکي زده کړو په اړه راپورونه لرو.

د امریکا د متحده ایالاتو د خزانې وزارت د نړۍ په نهو هیوادونو کې د بشري حقونو څخه د سرغړاونو له کبله په ۲۰ کسانو بندیزونه ولګول چې دوه تنه په کې د طالبانو د حکومت لوړ رتبه چارواکي دي. طالبانو دغه اقدام غندلی دی.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان ځانګړې خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. د تازه پرمختیاو، نوښتونو او د بشر د ژوندانه د مختلفو اړخونو اړوندو نویو اختراعګانو په هکله د کاروان د اونیزې خپرونې کتل چې د شنبې په شپو په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي، مه هیروئ.