TV Schedule

د بوعلي سینا ددې اوونۍ په خپرونه کې، د ښځینه کارکوونکو له کمزوری حضور سره د افغانستان د روغتیايي سکتور راتلونکې، له افغانستان څخه د ښځینه متخصصو ډاکټرانو وتل او د میرمنو په درملنه یې اغیزې، د سترګو پرده (کترکت)‌ په اړه معلومات، د سقط جنین د مخنیوي څرنګوالی او‌ په میندارو مېرمنو کې د رواني ستونزو د نښو نښانو په ګډون د روغتیا له نړۍ څخه خبرونه کتلای او اوریدلای شئ.‌

د امریکاغږ اشنا د شنبې په خپرونه کې د ښځو د نړیوالې ورځې، د حوثي یاغیانو پر ضد د امریکا د مبارزې او په کابل کې د کرکټ سیالیو په هکله راپورونه لرو.

په پاکستان کې د ښوونې او روزنې په برخه کې یوې فعالې ادارې ویلي‌ چې پدغه هېواد کې ۵۷۰زره افغان کډوال ماشومان له زده کړو څخه بې برخې دي. ایا په پاکستان کې د نوي حکومت په راتلو سره به د نویو راغلیو کډوالو په وضعیت کې ښه والی راشي؟

د نن او وضعیت په خپرونه کې د پروګرام له میمله، د نړیوالو سیاسي چارو کارپوه او پخوانی ډپلومات عزیز معارج سره په پاکستان کی د جمهوري ریاست د انتخابات د ترسره کېدو په اړه خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.