TV Schedule

د ژوند په امریکا کې خپرونه کې د افغان متشبث هارون غیاثي سره خبرې شوي چې په امریکا کې ژوند کوي او د کمپیوټرونو د پلورلو مغازه لري. ښاغلي غياثي امريکا ته له راتلو او د سوداګرۍ په برخه کې له زده کړې وروسته توانېدلی چې کوچنۍ سوداګري پیل کړي.

د ایراني پولیسو په لاس د یو افغان ځوان د شکنجې د ویډیو خپرېدو غبرګونونه پارولي دي. د دېرش دقیقو په خپرونه کې پر دې موضوع سربېره په افغانستان کې د طالبانو تر واکمنۍ لاندې افغانستان کې د مذاهبو ازادۍ کمېدو او نورو مهمو موضوعاتو په اړه رپوټونه او مرکې لیدلای شئ.

د حایل په خپرونه کې د طالبانو په واکمنۍ کې د مدني ازادیو د وضعیت په اړه د افغانستان د پخوانۍ سولې عالي شورا د مرستیال عزیزالله دین محمد او لیکوال او سیاسي شنونکي عبدالواحد تابع سره خبرې شوي دي.

د میرسي کور موسسې خبرداری ورکړی چی د مشخصو بندیزونو په ګډون، اقتصادي او سیاسي محدودیتونه په ډېر جدي ډول د افغانستان د اقتصاد د بیرته غوړیدو مخه نیسي او د نړۍ یو تر ټولو سخت بشري بحران لا پراخوي. د سپینې خبرې په خپرونه کې پدې موضوع بحث کیږي.

د نن او وضعیت په خپرونه کې پر افغانستان د نړیوالو اقتصادي بندیزونو د اغیزو ترڅنګ په ایران کې له افغانانو سره د پولیسو د چلند په اړه بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.