۳۷ کلن ذکریا چې په ایران کې د کډوالۍ پر مهال په نشه يي توکو اخته شوی وايي، غواړي له درملنې وروسته د ملي اردو په لیکو کې شامل شي.
ذکریا چې د جنګلک د معتادینو د درملنې په ۲۵۰ بستریز مرکز کې یې درملنه شوې او اوس د رضاکار په توګه په دغه مرکز کې کار کوي، وايي شاوخوا ۱۶ کاله یې هیرویین څکولي دي.
هغه وايي "تصمیم مې نیولی چې توکل په خدای لاړ شم اردو ته او نور له دې بد عمل څخه وژغورل شم، په ویاړ سره د اردو په لور ځم. ددې لپاره اردو ته ځم چې یو خو له دې بد عمل څخه وژغورل شم او دویم خپل وطن ته خدمت وکړم، بد نوم خو مې ډېر وګټه غواړم نیک نوم هم وګټم".
ذکریا وايي چې په نشو د اخته کېدو له امله یې نیک نوم، عزت او نور ډېر څه چې زیات ارزښت یې ورته درلود له لاسه ورکړل.