د کابل پولیس وايي چې تېره یوه میاشت یې په دغه ښار کې د مخدره موادو د خرڅلاو په تور ۷۲ کسان له لسګونه کیلو ګرامه بېلا بېلو نشه يي توکو سره نیولي دي.
د کابل امنیه قوماندانۍ ویاند فردوس فرامرز وايي چې یادو کسانو په ښار او شاوخوا سیمو کې نشه يي توکي په عمده او پرچون ډول پلورل.
هغه وایي "په همدې تړوا مو ۷۲ کسان سره له غیر قانوني وسلو نیولي، چې وروسته له جدي تحقیقاتو د افغانستان د مسکراتو او نشه يي توکو پر ضد د مبارزې عدلي او قضايي مرکز ته لیږدول شوي دي".
په کابل کې نشه يي توکو ته اسانه لاسرسی د معتادینو په شمېر کې د ورځ تر بلې زیاتوالي مهم لامل بلل کیږي.