پاکستان ۱.۴ میلیون افغان کډوالو ته پدغه هیواد کې د پاتي کیدلو یوه میاشت وخت ورکړی. د دغو کډوالو د استوګنې قانوني موده د ۲۰۱۷ کال د ډسامبر پر ۳۱ پاې ته ورسیده. پاکستان کې دا مهال شاوخوا ۲.۷ میلیون افغان کډوال اوسیږي چې ۱.۳ میلیونه یې سږکال د استوګنې اسناد لري.
د پاکستان د کابینې د چهارشنبې په ورځ وویل چې د کډوالو د بیرته ستنولو بهیر به د ملګرو ملتونو د کډوالو د ادارې (یو ان اچ سي آر) او له نړیوالې ټولنې سره مطرح کړي، خو له افغان حکومت سره د همغږۍ په اړه یې څه ونویل. پاکستان چې له لسیزو راهیسې د میلیونونو افغان کډوالو کوربه دی اوس وایې د شته اقتصادي او امنیتي ستونزو له کبله نور بې اسناده کډوال نشي زغملاې.
پاکستاني چارواکي دغه راز تور لګوي چې په افغان کډوالو کې هغه ترهګر هم پناه اخلي چې د پاکستان او افغانستان امنیت ته زیان رسوي.
افغان کډوالو ته د پاکستان خبرداری پداسې حال کې ورکول کیږي چې د پاکستان او امریکا تر منځ اړیکې ډیرې سړې شوي دي او امریکايي ولسمشر دونالد ټرمپ د پاکستان حکومت په”دروغ ویلو او خطا ایستلو“ تورن کړی دی. پاکستان بیا پر امریکا کلکې نیوکې کړي چې ګواکي په افغانستان کې یې ناکامه تګلارې پلي کړي دي.
