د ملګرو ملتونو دوو چارواکو د رویټرز خبري اژانس ته ویلي چې دغه سازمان هڅه کوي د اقلیم له بدلون سره د مبارزې لپاره د افغانستان کنګل شوې بودجه آزاده کړي او دغه هېواد ته یې ورکړي چې د نړۍ یو له هغو هېوادونو څخه دی چې د اقلیم له بدلون سره مخامخ دی.
نړیوال بانک د افغانستان د اقتصادي وضعیت په اړه په یو راپور کې ویلي چې د روان کال سپټمبر په میاشت کې د تیر ۲۰۲۳ کال د سپټمبر د میاشتې پرتله ددغه هیواد صادرات د یو شمیر عواملو له امله چې په کې د پاکستان د سوداګرۍ پالیسو بدلون هم شامل دي ۱۴ فیصده کموالی راغلی دی.
په کاناډا کې مېشتې ۱۷ کلنې افغانې نجلۍ نیلا ابراهیمي، د سه شنبې په ورځ، نومبر ۱۹مه (لړم ۲۹مه) د 'ماشومانو د سولې نړیواله جایزه' ترلاسه کړه.
د طالبانو حکومت د ویاند دفتر ویلي چې د دغه حکومت د ریاست الوزرا د مرستیال مولوي عبدالسلام حنفي او د روغتیا نړیوال سازمان د ختیځې مدیترانې حوزې د څانګې د عمومې مشرې میرمن حنان حسن بلخي په مشرۍ د پلاوي سره په کتنه کې په دغه سازمان کې د طالبانو د حکومت د غړیتوب غوښتنه کړې ده.
د افغانستان لپاره د چین ځانګړي استازي یو شاویونګ په افغانستان کې د «۲۰ ترهګرو ډلو د فعالیت په اړه اندېښنه» ښودلې او له دې پلوه چین او د سیمې نورو هېوادونو ته یې د ور پېښ ګواښ په اړه خبرداری ورکړی دی.
د فرانس پرس خبري اژانس راپور ورکړی دی چې سعودي عربستان سږکال څه باندې ۱۰۰ تنه اعدام کړي چې درې یې افغانان دي. دا د تېرو دوو کالونو په پرتله په سعودي عربستان کې په اعدامونو کې درې برابره زیاتوالی ښيي.
سیګار ۲۳ میلیونو اړمنو افغانانوته د مرستو برابرولو لپاره د ملګرو ملتونو بودیجې کمبود ستونزې ته په کتنې ویلي چې دغه ټولنه په تیرو دریو کلنو کې چې طالبانو افغانستان کې بیا واک ترلاسه کړی د نړیوالې ټولنې څخه اړمنو افغانانو ته د اړینې بودیجې په ترلاسه کولو په پرله پسې ډول پاتې راغلې ده.
د بې پولې راپور ورکوونکو سازمان(RSF) په افغانستان کې پر رسنیو باندې د طالبانو د حکومت د محدودیتونو زیاتیدو ته په کتنې ددغې ډلې د حکومت د اطلاعاتو او فرهنګ وزارت څخه غوښتي، چې په دغه هیواد کې دې معلوماتو ته د لاس رسي د حق ځپلو پر وړاندې اقدامات پای ته ورسوي.
د پاکستان د بهرنیو چارو وزارت د پنجشنبې په ورځ نومبر ۱۴ (لړم۲۴) په افغانستان کې د طالبانو حکومت ته خبرداری ورکړ چې د ترهګرو ډلو سره د مبارزې په اړه د اسلام اباد غوښتنه جدي وګڼي او د پاکستان د خلکو زغم دې نه ازمايي.
د ملګرو ملتونو مرستندویه پلاوي دفتر( یوناما) او افغانستان لپاره د ملګرو ملتونو د بشري حقونو د شورا ځانګړي استازي ریچارد بنیټ په پکتیا کې پر یو تن باندې د قصاص د حکم پلي کیدو ته غبرګونونه ښودلي او په عام محضر کې د طالبانو د اعدامولو د لړۍ د بندیدو غوښتنه یې کړې ده.
د متحده ایالاتو په ټاکنو کې د ولسشمر په توګه له انتخابېدو وروسته ډونالډ ټرمپ چهارشنبې نومبر ۱۳ (لړم ۲۳) په تیرو څلورو کلونو کې د لومړي ځل لپاره سپینې ماڼۍ ته ولاړ ترڅو له تلونکي ولسمشر جو بایډن سره وګوري.
ټاکل شوې چې په افغانستان کې طالب چارواکي د همدې راتلونکې چارشنبې په ورځ د پکتیا په ولایت کې یو تن چې په قتل محکوم شوی، په عام محضر کې اعدام کړي.
نور پورته کول
